Program

Johannes Brahmsip German Requiem aqqutigalugulu nunarsuarmioqatigiinni tamanit tusarneqarsinnaasunngortippaa, nutaamik saqqummersillugu immikkuullarissuseqatumik inuttullu itisuumik attuinartumik kulturit assigiinngitsut peqataatinneratigut immikkuullarissumik saqqummiunneqarsinnaaneratigut. 

Naliginnaasumik katuullit naalagiartarnerinit requiem aqqutigalugu Brahmsip nammineerluni taallat Lutherip bibilianit tigusaapput immikkullu toqukkut peerutereersimasunut sammititarinagu kisiannili qimagaasimasunut tuppallersaatitut suliaralugu. Taamaattoq, nipilersuusiaa requiem ilisinermi atugassiatut suliarinngilaa kisiannili nipilersuusiaraa neriunnermik imminullu naatsorsuutigisinnaanermut sammitillugu suliaraa upperisanit assigiingitsunit uppertunullu immikkut tamanit atorneqarsinnaasutut. 

Nunarsuarmi saqqummeqqaarmat 1868-mi Brahmips nunarsuaq tamakkerlugu nipilersugassiortutut tusaamaneqaatigilerpaa kingornalu erinarsoqatigiittartunit nunarsusarmioqatigiinnit nuannarineqarnerpaatut atorneqalersillugu suliaraa (suliareqqaarneranitut erinarsoqatigiinnut atugassiatut nipilersuutinullut) 1800-kkunni aammalu misigissutsikkut itisuumik misigititsisinnaanerata inuttut oqariartuutigisartagaatut ittut peqqutaallutik kinguaariippassuarni maanna nipilersortartunit tusarnaartartunillu sunniuteqarsimaqaaq. 

The German Requiem suliaavoq immikkuullarissoq nutaaliornerpalaartumik suliaanera peqqutigalugu, tuppallersaatitullusooq nipeqarnera peqqutigalugit nipilersornerup oqaluttuassartaanut sunniuteqarpoq nunallu akornanni nipilersornikkut pitsaassutsikkut qaffariaateqartitsisimalluni. Kitaamiuunerusut akornanni nipilersornikkut kulturimik sunniteqaqaaq nunarsuarmioqatigiittullu inuppalaassutsimik takutitsinerulluni. 

Tysklandip Kalaallillu Nunaata akornanni kulturikkut paarlaaqatigiinnerup Wilhelmshaven Kammerkor peqatigalugu “Kalaallit Nunaanni nipilersoriaatsikkut” imminnut naapissapput, ullumikkut tusarnaartitsinikkut.  Qulequtakkaartutut assigiinngitsut atorneqassapput ataatsimulli isigalugu siunertaasoq tassaavoq immikkut qanillinissaq soorlu ikaartarfiliornertut taallugu aammalu attaveqatigiilernissaq anguniarlugu suliaalluni. 

“Qilaatorsorneq” atorneqartussaq tassaassaaq appitat Brahmsip atugaasa siulliup tulliatalu akornanniittussaq tassaavoq kalaallit qangarsuaaniilli erinaataat aallaavia kiminngaanneersuuneralu ilisimaneerussimagaluartoq. Nipilersukkatigut nipiliuutigineqartukkullu qanga nipinut utersaarnertut misigisassaavoq. Nipit taakku angerlartutut misigisimatitsissapput assigatigullu oqaatigineqarsinnaalluni alianarpaluttuugaluartunik toqqissisimanartunillu nipilioorutaasut oqimaaqatigiissuupput, massa ingerlallugu “Pilluaqqusaapput…” soorlu Brahmsip Requiemimi aallartikkami nipilersuutitigut soorlu oqaatsit assigiinngitsut atoraallusooq. 

Erinarsuutit pingasut kalaallimit inuusuttunnguanit erinarsortarlunilu taalliortumit Heidinnguaq Vivi Jensenimit tusarnaarneqassapput Brahms Requiem akornanni atorneqassallutik. Atorneqartuni taakkunani inuttut apeqqutit itisuut apeqqutigisaattutullu issapput apeqqutit nunap qilaallu akornanni inissisimasutut ittut soorlu inuunerup toqullu naapinnerini. Tamanna aqqutigalugu inuttut aqqusaarsimasat oqaatigineqassapput taamaasilluni anersaavanut pulaartutullusooq nipeqarsinnaallutik. 

Erinarsoqatigiittut aaqqissuussaq tamanna Tønnes Kreutzmannimit erinniarineqarpoq taalliarinearlunilu erinarsoqatigiit tamaasa periarfississavai kalaallisut erinarsoqatigiinnissaannik ulluinnarnilu atukkanut qujaniarnermut nersorinnissutaassalluni. Erinarsuutikkut erinniarsuarmut “Wie lieblich sind Deine Wohnungen (inigisat taamaa asanartigaaq)” Brahms Requiem-mit ingerlaannassaaq E-Flat major noqarteeq aqqutigalugu ikaarsaarluni. Brahms-ip erinarsugassiai aqqutigalugu silarsuarmut allamut ikaarsaarfeqartutullusooq ipput soorlu Guutimut toqqissisimanermut sammisut soorlu tamanna Tønnes Kreutzmannip aamma ersersinniagarigaa ulluinnarni inuunermi aqqusaarsimasat tamaasa qujassutigalugit torlulaarnerusoq. 

Noqartilersortartut atugaat “Song for Ruth” amerikarmiumit filmiliornermi nipilersugassiortartumit Michael La Vallee-mit erinniarineqarsimavoq. Tamanna erinniaraa niviarsiaraq Uummannami Meeqqat Angerlarsimaffiani najugaqarsimasoq eqqaaniarlugu. 

Nipit assigiinngisitaartut naapinnerini, oqariartuuteqariaatsit, taallat aammalu oqaatsit inuttut misigissutsitsigut attorneqaatigisassavut innunermi toqumillu apeqqutigisinnaasatsitullusooq ipput. Taamatut periuseqarnikkut toqqissisimanissamik tuppallerneqarnissamillu siunertaqartumik suliaapput. 

Pilluarput aliasuttut, taakkumi tuppallersarneqassapput. 
Qianngarmik siaruarterisut katersuiumaarput qiimmattarlutik. Qiaatigaluni anisoq siaruarteriartorluni qiimmattarluni angerlarumaarpoq killugaatini qilertat nammallugit. 

GREENLANDIC DRUMSONG
performed by Jane Sanimuinaq

Tassami inuit tamarmik ivikkatut ipput, alutornassusiallu narsaatip naasuisut. Ivikkat toquliortarput naasullu sikkersui katattarlutik. 
Qatanngutit, erinitsannaveersaarlusi Naalakkap tikiunnissaa utaqqisiuk. Eqqaamaniarsiuk naasorissaasup erinitsajuilluni nunap inerititassai pingaaqisut utaqqisariaqartarai ukiakkut upernaakkullu siallerfigineqareerserlugit. 
Naalakkalli oqaasia naassaanngitsumik atavoq. Oqaaseq taanna tassaavoq ilissinnut nalunaajaatigisaasoq. 
Naalakkap aniguisitai nunaminnut utissapput, Zionimut piumaarput qiimmattarlutik, nuannaarnerup soraajuitsup siulersussavai. Tipaatsunnerup nuannaarnerullu angussavai, aliasunneq anersaarulunnerillu peerutissapput. 

WE MISS YOU
text/music by Heidinnguaq Vivi Jensen

Tappikaniipputit eqqissillutit                              
Tappikanngaanniik takusinnaanerpitigut          
Maqaasivatsigiit                                                

Aperqquteerarpassuit  
Akineqarsinnaanngitsut
Aqqussaartuassapput annernarlutit                  

Eqqaamajuaannarparput illit ilagutit  
Nuannersut nuanniitsullu misiginikuusagut.

Tappikaniipputit eqqissillutit                              
Tappikanngaanniik takusinnaanerpitigut          
Maqaasivatsigiit

Uummatiga ilunni ikumavoq, anersaaruluppunga, soorlu inneq ikumasoq. Taava qanera ammarpara oqarlungalu: Ilisimalersinnga qaqugu toqunissannik, Naalagaq, uannut ullussarititaasut qassiunersut,ilisimaniassagakku sinneruttut qassiunersut. Ullussannut assaap silissusia uuttuutigaat, inuuffissakka ilinnut suunngitsutut ipput. Inuk kinaluunniit suiallannerinnartut ippoq. Angut tarraannartut illuni angalaarpoq,asuliinnaq pisuussutinik katersuisarpoq, naluaali kia pissagai. Ilumoortut anersaat Guutip assaaniipput aammalu naalliutsitsineq arlaannaalluunniit taakkununnga tunngatinneqanngilaq.  

INUULLUARINA
text/music by Heidinnguaq Vivi Jensen

There was light when you left
Something you have to accept
Where are you now?
Why did you leave?
Fare well!

Aallarnerit qaamavoq   
Isigiinnangassavoq
Sumiippimmita         
Sooq aallarpit   
Inuukkuarina

Ineqarfippit nuanningaassusia, Katersaarsuit Naalagaat! Tarniga tumanngusimagaluarpoq kiperiffigalugit Naalakkap silarliutai, maannali uummatima timimalu torlulaffigaat Guuti uumasoq. 

QUJAVUNGA
text/music by Tønnes Kreuzmann

Silarsuaq alianaak                                            
Suna tamarmi nipaallivoq.
Siorsulaarpoq pavani                                       
Nipaalusoorlu tusaagiga:          
„Atukkatit quvialaaakkit.  
Ilinnut taakku tunisisut,“                                                  
Qujavunga atukkanut        
tunissutaajuartunut.         

Ullaakkut qqmmalernera         
akisuguttoq takuara.
Mallillu aalataarnerat
nunamut sorlu apuuttaraaq:
„Makillutit suligit maani
tunissutaammat sulinerit.
Qujavunga ajornanga
iterluartitaagama.

Unnuppat taarsilerluni
Pereersut ullut qaangerpata.
Qulinnit ullorissanit
Isussulaartoq tusaagiuk:
„Atukkatit tunissutaapput
Inuunerummi ilagivai.“
Qujavunga pereersunut  
Atortitaasimasunut.
Qujavunga pisussanut
Atortitaajumaartunut.

Ilississaaq maanna aliasuppusi, takoqqikkumaarpassili; taavalu uummatisi tipaatsussapput, tipaatsunnissinnillu arsaarneqassanngilasi. 
Uanga qiviarlugu: Piffissap ilaani sulisimavunga sulisimallungalu, annertuumik isumassuinermik nassaarsimavunga. 
Soorlu anaanaasup qitornani tuppallersartaraa, taamatut uanga tuppallersassavassi Jerusalemimi tuppallersarneqartillusi. 

PIECE FOR STRINGS „SONG FOR RUTH“
by Justin Michael La Vallee

Maanimi illoqarfeqanngilagut ataavartussamik, illoqarfittaassarli tikinniarsaraarput. 
Takuat, anngigisamik oqarfigissavassi: Imaanngilaq tamatta sinippaassasugut, imaapporli tamatta allanngortitaassasugut imaaliallaannaq, uisorernerinnaq, qarlortaassuaq kingullermeerluni tutsiuppat. Tutsiukkumaarpormi, toqusullu aserujuitsunngorlutik makikkumaarput, uagullu allanngortitaajumaarpugut. Aserujasorlu taanna aserujuitsumik atisereerpat toqujasorlu toqujuitsumik atisereerluni, taava oqaaseq una allassimasoq eqquukkumaarpoq: Toqu nungutitaavoq ajugaaffigineqarlunilu. Toqu, ajugaanerit naak? Toqu, iguutit naak? 
Illit, Naalagarput Guuterpullu, qinngaqqunnanngillat pigissallugit naalannaat ataqqinaallu pissaanerlu; illimmi suut tamaasa pinngortippatit, illit piumasakkut piulerput pinngortitaallutillu. 

EQQISSSINEQ
text/music by Heidinnguaq Vivi Jensen

Naneruut isingalugu soorlu sinnattumut iserlunga
Malugalugu kisimiinnanga tqkusinnaanatit tusaasinnaallutit
Eqqissinermut aat ingerlasa illit uangalu maani eqqissineq
Naneruut supoorlugu soorlu sinnattumiik anillunga 
Malugalugu kisimiillunga takusinnaallutit tusaasinnaanatit
Eqqissinermut aat ingerlasa illit uangalu maani eqqissineq

Usarparalu qilammit nipi tutsiuttoq:
»Allagit: Pilluarput toqusut, maannamiit Naalakkami toqusut.
Massami, oqarpoq Anersaaq, sulerulunnermik kingorna qasuersaassapput, suliamik malissammatik.«